AFFA “Zirə”nin futbolçusu Coşqun Diniyevə sərt cəza tətbiq edib
Bakı, 8 aprel, AZƏRTAC
AFFA İntizam Komitəsi “Zirə”nin futbolçusu Coşqun Diniyevə sərt cəza tətbiq edib.
AZƏRTAC xəbər verir ki, buna onun “Neftçi” ilə XXI turun matçındakı davranışı səbəb olub.
Komitənin qərarında deyilir ki, C.Diniyev ikinci sarı vərəqə alaraq meydançadan kənarlaşarkən hakimlər briqadasını təhqir etdiyi üçün 3 oyun şərti olmaqla 4 oyun cəzalanıb, klub 3200 manat cərimə olunub.
“Zirə”nin futbolçusu Ağabala Ramazanov ikinci sarı vərəqə alaraq meydançadan kənarlaşdırıldıqdan sonra yenidən meydançaya daxil olduğu üçün 1 oyun şərti olmaqla 2 oyun cəzalanıb, klub 1600 manat cərimə olunub. “Zirə”nin 6 futbolçusu sarı vərəqə ilə cəzalandırıldığı üçün klub 800 manat cərimələnib.
Bölmənin digər xəbərləri
