AFİNADA BEYNƏLXALQ KONFRANSIN İŞTİRAKÇILARI DÜNYA DÖVLƏTLƏRİNİ OLİMPİYA OYUNLARI MÜDDƏTİNDƏ MÜNAQİŞƏLƏRİ DAYANDIRMAĞA ÇAĞIRMIŞLAR

11.08.2004 [21:37]
Çap et
A⁺ A^-

Dini Qurumlarla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, Afinada “Din, sülh və Olimpiya idealı” mövzusunda beynəlxalq konfrans avqustun 11-də öz işini başa çatdırmışdır.

Konfransda patriarx I Varfolomey ilə Yunanıstan hökumətinin birgə müraciəti qəbul edilmişdir. Müraciətdə bütün dünya ölkələri müxtəlif hərbi əməliyyatları Olimpiya oyunlarının keçirildiyi dövrdə dayandırmağa, bununla da Olimpiya prinsiplərinə və ənənələrinə sadiqlik nümayiş etdirməyə çağrılmışdır.

Azərbaycan Respublikasının Dini Qurumlarla İş üzrə Dövlət Komitəsinin sədri professor Rafiq Əliyev konfransın plenar iclasında çıxış edərək müraciətə dəstək verdiyini vurğulamışdır.

Konfransda yekdilliklə qəbul olunan müraciət dünyanın bütün ölkələrinə göndərilmişdir.