“AĞ GÖL” MİLLİ PARKI TƏBİƏTİN MÖCÜZƏSİDİR
AZƏRTAC-ın müxbiri xəbər verir ki, Ağcabədidəki “Ağ göl” parkı Ordubad, Hirkan və Şirvandan sonra istifadəyə verilən dördüncü Milli Parkdır. “Ağ göl”də adları Beynəlxalq Təbiəti Mühafizə İttifaqının “Qırmızı siyahısı”na, eləcə də respublikamızın “Qırmızı kitabı”na salınmış 20-yə yaxın quş növü, 40-a yaxın su-bataqlıq bitkisi vardır. Burada 15 növ məməli heyvan, 12 növ balıq, 200-ə yaxın quş növü mövcuddur. Hər il “Ağ göl”də 800 minə yaxın quş qışlayır. 9 min hektara yaxın sahəni əhatə edən ərazi 5 mühafizə zonasına ayrılmış, 3 yerdə müşahidə qülləsi yaradılmışdır. Milli Park 2002-ci ildə Su Bataqlıq Ərazilərinin Mühafizəsi üzrə Beynəlxalq Ramsar Konvensiyasının siyahısına daxil edilmişdir.
Bölmənin digər xəbərləri
