AĞIRLIQQALDIRMA ÜZRƏ AZƏRBAYCAN ÇEMPİONATI BAŞLANMIŞDIR
 |
 |
Açılış mərasimində çıxış edən idman və gənclər nazirinin müavini, Ağırlıqqaldırma Federasiyasının vitse-prezidenti İsmayıl İsmayılov, yığma komandanın baş məşqçisi Vahid Nəzərov və başqaları son vaxtlar ölkəmizdə idmanın inkişafına göstərilən diqqət və qayğıdan, idmançılarımızın əldə etdikləri uğurlardan danışmışlar.
Qeyd olunmuşdur ki, ağırlıqqaldıranlarımız müxtəlif beynəlxalq turnirlərdə, dünya və Avropa çempionatlarında ölkəmizin idman şərəfini layiqincə qorumuşlar.
Yarışların ilk günündə üç çəki dərəcəsində qaliblər müəyyən olunmuşdur. 56 kiloqram çəki dərəcəsində çıxış edən Hüseyin Hüseyinov, 62 kiloqramda Sərdar Həsənov, 69 kiloqramda isə Əfqan Bayramov fəxri kürsünün ən yüksək pilləsinə qalxmışlar.
Müxtəlif bölgələrdən 100-dən çox idmançının iştirak etdiyi çempionata yanvarın 27-də yekun vurulacaq.
Bölmənin digər xəbərləri
