AHİK sədri: İndiyədək şəhid ailələrinin üzvlərinə 3 minə yaxın yollayış verilib
Bakı, 16 noyabr, AZƏRTAC
Azərbaycan Həmkarlar İttifaqları Konfederasiyası hər zaman həssas qrupdan olan və aztəminatlı ailələrin məsələlərini diqqətdə saxlayır, onlara dəstəyini əsirgəmir. Şəhid ailələrinə indiyədək milyon manatlarla maddi və mənəvi dəstək göstərilib. İndiyədək şəhid ailələrinin üzvlərinə 3 minə yaxın yollayış verilib.
Bu barədə AZƏRTAC-a məxsusi müsahibəsində Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev bildirib.
AHİK-in sədri şəhid ailələrinin, qazilərin övladlarının təhsil problemlərinin həllində də dəstək göstərdiklərini diqqətə çatdıraraq deyib: “Şəhidlərimiz, qazilərimiz bizim fəxrimiz, qürurumuzdur. Həssas qrupdan olan insanlara yardım etmək hər birimizin borcudur. Bu yaxınlarda qazilərin övladlarının təhsili üçün on beş min manata yaxın vəsait köçürmüşük. Bu günlərdə Vətən müharibəsi qazisinin iki övladının təhsil haqqının ödənişi tərəfimizdən həyata keçirilib”, - deyə Səttar Möhbalıyev bildirib.
Bölmənin digər xəbərləri
