Aksiz markasız külli miqdarda siqaret və spirtli içkilər aşkarlanıb
Bakı, 15 fevral, AZƏRTAC
Naxçıvan Baş Gömrük İdarəsinin əməkdaşları aksiz markası ilə markalanmayan külli miqdarda siqaretin və spirtli içkilərin realizə edilməsinin qarşısını alıblar.
Dövlət Gömrük Komitəsindən AZƏRTAC-a bildiriblər ki, daxil olmuş məlumat əsasında Naxçıvan Baş Gömrük İdarəsinin Əməliyyat və İstintaq İdarəsinin əməkdaşları Şərur rayon sakininin yaşadığı ünvana baxış keçiriblər.
Baxış zamanı həmin ünvanda yerləşən evin həyətyanı sahəsində olan yardımçı tikililərdən ölkə ərazisinə qaçaqmalçılıq yolu ilə gətirilən və aksiz markası ilə markalanmayan müxtəlif adlarda, ümumilikdə 370 min 760 ədəd siqaret və 41 ədəd spirtli içki aşkar edilib.
Bölmənin digər xəbərləri
