Aktau və Kurık dəniz limanları vasitəsilə konteyner daşınması artıb
Nur-Sutan, 16 iyun, AZƏRTAC
Aktau və Kurık dəniz limanları vasitəsilə konteynerlərin daşınması 11,7 minədək, yəni 19 faiz artıb.
AZƏRTAC xəbər verir ki, Qazaxıstanın Sənaye və İnfrastruktur İnkişafı Nazirliyinin məlumatına görə, konteynerlərin ötürülməsində müsbət dinamika davam edir.
Bu ilin 5 ayı ərzində Aktau və Kurık dəniz limanlarından 2,6 milyon ton yük daşınıb. Yük avtonəqliyyat vasitələrinin daşınmasında ötən ilin yanvar-may aylarının göstəricisi ilə müqayisədə 10 faiz artım müşahidə olunub. Keçən il 2564 ədəd idisə, bu il 2824 ədəd olub.
Həmçinin bu ilin yanvar-may aylarında Xəzər dənizindəki limanlar arasında dəniz ticarət donanması tərəfindən 1 milyon ton yük daşınıb. Xaricdən gələn Qazaxıstan vətəndaşları istisna olmaqla, sərnişin daşımalarına dair karantin məhdudiyyətləri saxlanılır.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
