ALBANİYA PREZİDENTİNİN OĞLU YOL-NƏQLİYYAT HADİSƏSİNDƏN SONRA YOXA ÇIXMIŞDIR
AZƏRTAC-ın “Novosti” agentliyindən aldığı xəbərə görə, Albaniya Prezidenti Alfred Moisiunun oğlu Admir martın 10-da Tirananın 200 kilometrliyində avtomobil qəzasının baş verdiyi yerdə tapılmamışdır.
Prezidentin 32 yaşlı oğlunun getdiyi avtomobil ölkənin cənubunda yoldan çıxaraq çaya düşmüşdür. Zədələnmiş avtomobil və yaralanmış bir nəfər qəza yerində tapılmışdır. Lakin Admir Moisiunu və onun sürücüsündən xəbər yoxdur.
Albaniyanın Baş prokurorluğunda işləyən Admir Moisiu xidməti ezamiyyətə gedərkən qəzaya düşmüşdür.
