Aleksandr Rıbak “Eurovision-2011”-də Azərbaycanın qələbə qazanacağına inanır
Bakı, 10 may (AZƏRTAC). Almaniyanın Düsseldorf şəhərində keçirilən “Eurovision-2011” mahnı müsabiqəsini canlı izləyənlər arasında bu müsabiqənin 2009-cu ildə qalibi Aleksandr Rıbak da vardır. O, Düsseldorfda əsas məşqlərdə, eləcə də xüsusi mərasimlərdə iştirak etmişdir. Aleksandr Rıbak “Eurovision-2011” müsabiqəsi ilə bağlı təəssüratlarını da bölüşmüşdür.
Aleksandr Rıbak bildirmişdir ki, Azərbaycanı təmsil edən duet mənim favoritlərimdəndir. Çünki ifaçılar bir-birlərinə çox yaraşırlar. Eldar və Nigar həm görünüş, həm də səs olaraq bir-birlərini tamamlayırlar. Onların ifaları, səhnə perfomansları “Eurovision” yarışmasının formatına tam uyğundur.
Mən özüm də Azərbaycanı ziyarət etmək arzusunda olduğum üçün ümid edirəm ki. bu ölkənin təmsilçiləri “Eurovision-2011” mahnı yarışmasında qələbə qazanacaqdır.
Bölmənin digər xəbərləri
