Aleksandra-Larisa Florian Azərbaycan komandasında debüt edəcək
Bakı, 2 mart, AZƏRTAC
Martın 2-də Çexiyanın paytaxtı Praqada qadınlar arasında cüdo üzrə açıq Avropa kuboku yarışları başlayıb.
AZƏRTAC Beynəlxalq Cüdo Federasiyasının saytına istinadla məlumat verir ki, Azərbaycanı yarışlarda 52 kiloqram çəki dərəcəsində Aleksandra-Larisa Florian təmsil edir. Onun ilk rəqibi ispaniyalı Şir Kellner olacaq.
Qeyd edək ki, bu, çüdoçumuzun komandamızda debüt yarışıdır.
Qitə kubokunda 31 ölkədən 187 cüdoçu mübarizə aparır.
Florian mart-aprel aylarında Mərakeş, Tbilisi və Antalya Qran-prilərində də iştirak edəcək.
Bölmənin digər xəbərləri
