Ali təhsil və məktəbəqədər ümumi təhsil üzrə dövlət agentliklərinə əlavə vəsait yönəldiləcək
Bakı, 1 dekabr, AZƏRTAC
Ali təhsil və məktəbəqədər ümumi təhsil üzrə dövlət agentliklərinə əlavə vəsait yönəldiləcək.
AZƏRTAC xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında maliyyə naziri Samir Şərifov bildirib.
Nazir, həmçinin qeyd edib ki, bu xərclər Elm və Təhsil Nazirliyi Aparatının saxlanması xərclərinin 15 milyon manat azaldılması hesabına ayrılacaq: “Aparatın xərcləri azaldılacaq və bu vəsait nazirliyin tabeliyində olan agentliyə yönəldiləcək. Eyni zamanda, müvafiq olaraq büdcədə ehtiyat kimi yaradılmış vəsait hesabına bunu tənzimləyə bilirik. Dövlət Su Ehtiyatları Agentliyinin və Suların İstifadəsinə və Mühafizəsinə Nəzarət Xidmətinin Aparatının saxlanması üçün müvafiq olaraq tələb edilən 5,9 və 3,6 milyon manat vəsait də təmin olunacaq. Bunların əlavə xərcə getmədən ehtiyat vəsait hesabına tənzimlənməsini təklif edirik”.
Bölmənin digər xəbərləri
