ALİMLƏR İNSANIN QUŞ QRİPİNƏ NADİR HALLARDA YOLUXMASININ SƏBƏBİNİ TAPMIŞLAR

24.03.2006 [19:14]
Çap et
A⁺ A^-

AZƏRTAC xəbər verir ki, “Sayəns” və “Nature” jurnallarının yazdığına görə, alimlər quş qripinin insana nadir hallarda keçməsinin səbəbini tapmışlar. Yaponiya və Niderland alimləri sübut etmişlər ki, H5N1 virusu insanın tənəffüs yollarında və ya ağciyərinin lap dərinliyində özünə yer tapır. Bura mikrobların daxil olması kifayət qədər çətindir, ona görə də indiyədək dünyada quş qripinə yalnız 200-dək adam yoluxmuşdur, hərçənd quşlar arasında xəstəlik halları xeyli çoxdur.

Tədqiqatlar zamanı məlum olmuşdur ki, bu virusa daha çox uşaqlar yoluxa bilərlər, çünki onların tənəffüs yolları yaşlılardan xeyli qısadır. Buna görə də basillər təhlükəli zonaya asanlıqla düşür.

Mütəxəssislər quş qripinə yoluxanların yarısının nə üçün öldüyünün səbəbini də aydınlaşdırmışlar. Xəstəlik tənəffüs yollarının dərinliklərinə işləyir və ona görə də müalicə prosesi mürəkkəbləşir. Lakin insanların mütəmadi yoluxduqları adi qrip virusu tənəffüs yollarının yalnız yuxarı hissəsinə toxunur. Ona görə də, bir tərəfdən, asanlıqla müalicə olunur, digər tərəfdən, insandan insana maneəsiz keçir. H5N1 virusu dərində yerləşdiyi üçün onun insana keçməsi də çətinləşir.

ALİMLƏR İNSANIN QUŞ QRİPİNƏ NADİR HALLARDA YOLUXMASININ SƏBƏBİNİ TAPMIŞLAR

MÜƏLLİFLƏ ƏLAQƏ

Bölmənin digər xəbərləri