ALMANİYA ÇEVİK BAYTARLIQ QÜVVƏLƏRİ YARADILMASINI TƏKLİF ETMİŞDİR
Almaniya nümayəndə heyəti bu təklifi Avropa İttifaqı Şurasının Brüsseldə keçirilən balıqçılıq və kənd təsərrüfatı məsələlərinə həsr olunmuş iclasında irəli sürmüşdür. Təklif Fransa və Avropa İttifaqında sədrlik edən Avstriya tərəfindən də dəstəklənmişdir.
Səhiyyə və istehlakçıların müdafiəsi üzrə Avropa komissarı Markos Kiprianu bildirmişdir ki, çevik baytarlıq bölmələri artıq yaradılmışdır və onlar Avropa İttifaqının üçüncü dünya ölkələri, o cümlədən Rumıniya, Rusiya və Türkiyə ilə sərhədlərində ekspertiza aparır.
Almaniya nümayəndə heyəti Avropa İttifaqından olan tərəfdaşlarına Afrika ölkələrindən gələn köçəri quşların marşrutunu nəzarətdə saxlamağı tövsiyə etmişdir. Afrika ölkələri öz ərazilərində quş qripi ilə bağlı vəziyyət barədə etibarlı məlumat vermirlər.
Bölmənin digər xəbərləri
