Almaniya qəzeti: Brüssel razılaşması düzgün istiqamətdə atılmış mühüm addımdır
Berlin, 9 aprel, AZƏRTAC
Almaniyanın “Süddeutsche Zeitung” qəzetində Brüsseldə Azərbaycan və Ermənistan liderləri arasında keçirilmiş görüşün nəticələrinə həsr olunmuş məqalə dərc edilib.
AZƏRTAC xəbər verir ki, məqalədə Ermənistanla Azərbaycan arasında müharibədən sonra hər iki ölkənin sülh prosesinə doğru irəlilədiyi vurğulanır.
Oxucuların diqqətinə çatdırılır ki, bununla bağlı Azərbaycanın və Ermənistanın Xarici İşlər nazirliklərinə müvafiq tapşırıqlar verilib.
Eyni zamanda, qeyd olunur ki, Avropa İttifaqı tərəflər arasında yaxınlaşmanın əldə olunması üçün vasitəçilik edir. Avropa İttifaqı Şurasının Prezidenti Şarl Mişel tərəflər arasında əldə olunan razılığı “düzgün istiqamətdə atılmış mühüm addım” adlandırıb.
Məqalədə, həmçinin vurğulanır ki, tərəflər iki ölkə arasında sərhədin müəyyənləşdirilməsi ilə məşğul olacaq ikitərəfli komissiyanın yaradılması barədə razılığa gəliblər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
