ALMANİYANIN 10 ALİ TƏHSİL OCAĞI ELİTARUNİVERSİTETLƏRƏ ÇEVRİLİR
AZƏRTAC-ın xüsusi müxbiri xəbər verir ki, Almaniya hökuməti ölkənin 10 ali məktəbinin dünya standartlarına uyğun səviyyədə fəaliyyət göstərə biləcək 21-ci əsrin elitar universitetləri kimi təkmilləşdirilməsi və yenidən qurulması layihəsini həyata keçirməyə başlamışdır. Federal Təhsil və Elmi Tədqiqatlar Nazirliyi yanında fəliyyət göstərən elmi şura üzvlərindən ibarət təşkilat komissiyası inkişaf proqramının reallaşdırılacağı 10 universitet və elmi tədqiqat müəssisəsini müsabiqə yolu ilə müəyyənləşdirmişdir. Müsabiqəyə ölkənin 27 ali təhsil ocağı- Aaxen, Bremen, Frayburq, Vürtsburq, Heydelberq, Karlsrue, Tübinqen universitetləri, Berlin Azad Universiteti, Münxen Maksimilian Universiteti, Münxen Texniki Universiteti və başqaları cəlb olunmuşdur.
Komissiya onların dünyanın elitar ali təhsil və elmi tədqiqat ocaqları səviyyəsinə çatdırılması, təkmilləşdirilməsi barədə qərarını bildirmişdir.
Xatırladaq ki, Almaniya federal hökuməti "Elitar universitetlərin inkişafı layihəsi"nin reallaşdırılmasını 6 milyard avro məbləğində vəsaitlə maliyyələşdirir.
Bölmənin digər xəbərləri
