ALMATIDA PİANOÇULARIN ÜÇÜNCÜ BEYNƏLXALQ MÜSABİQƏSİ KEÇİRİLMİŞDİR
AZƏRTAC-ın xüsusi müxbiri xəbər verir ki, Qazaxıstan Mədəniyyət və İnformasiya Nazirliyinin və Kurmanqazı adına Milli Konservatoruyanın təşəbbüsü ilə Almatıda keçirilən pianoçuların üçüncü Beynəlxalq müsabiqəsi başa çatmışdir. Müsabiqədə 10 ölkənin nümayəndələri iştirak etmişlər. Azərbaycan kiçik yaş qrupunda 10-cu sinif şagirdi, gənc pianoçuların 2005-ci ildə keçirilən beynəlxalq müsabiqəsi laureatı Fəridə Rzayeva, böyük yaş qrupunda isə Bakı Musiqi Akademiyasının tələbələri Ayan Salahova və Fidan Rzayeva ilə təmsil olunmuşdur.
Hər iki yaş qrupunun iştirakçıları Bax, Mosart, Bethoven, Şostakoviç, Şopen, Raxmaninov və Skryabinin əsərlərini ifa etmişlər.
Münsiflər heyətinin qərarı ilə Fəridə Rzayeva kiçik yaş qrupunda müsabiqənin qalibi olmuş, Ayan Salahova və Fidan Rzayeva isə diplomlara layiq görülmüşlər.
Bölmənin digər xəbərləri
