Altı ayda tarlalardan 368 min tondan çox kartof yığılıb
Bakı, 16 iyul, AZƏRTAC
Cari il iyulun 1-nə kimi tarlalardan qarğıdalı da daxil olmaqla 2 milyon 372,6 min ton və ya keçən ilin müvafiq dövrünə nisbətən 6,7 faiz az dənlilər və dənli paxlalı bitkilər yığılıb.
Dövlət Statistika Komitəsindən AZƏRTAC-a verilən məlumata görə, həmin dövrdə 368,3 min ton (9,7 faiz çox) kartof, 716,9 min ton (6,2 faiz çox) tərəvəz, 76,6 min ton (39,8 faiz çox) bostan məhsulları, 131,9 min ton (5,3 faiz çox) meyvə və giləmeyvə, 1326 ton (6,4 faiz çox) tütün və 422,2 ton (25 faiz çox) yaşıl çay yarpağı toplanıb.
Bölmənin digər xəbərləri
