AMEA-nın vitse-prezidenti: Şuşada gənclərlə bağlı tədbirin keçirilməsi qürurverici məqamdır
Şuşa, 3 dekabr, AZƏRTAC
"Şuşada təşkil olunan tədbir barədə yalnız xoş sözlər demək olar".
AZƏRTAC xəbər verir ki, bu sözləri Azərbaycan Milli Elmlər Akademiyasının (AMEA) vitse-prezidenti Dilqəm Tağıyev "Gənclər Paytaxtı" Şuşa şəhərində təşkil olunan İslam Ölkələrinin Gənc Alimlərinin Forumu barədə jurnalistlərə açıqlamasında deyib.
AMEA rəsmisi bildirib ki, Azərbaycanın dilbər guşəsi olan Şuşa şəhərində bu tədbirin təşkili qürurverici məqamdır: “Çünki Şuşa Qarabağ bölgəsinin mirvarisi, Azərbaycan mədəniyyətinin paytaxtıdır. Bir neçə istiqamət üzrə gedən tədbirlərdə İslam dünyasından olan gənclər, gənc alimlər, istedadlar aktiv iştirak edirlər. Şuşada 29 ölkədən 200-dən artıq nümayəndə heyəti var. Tədbirlər yüksək səviyyədə davam edir".
Qeyd edək ki, Şuşada İslam dünyasının “Gənclər Paytaxtı”nın bağlanış mərasimi dekabrın 4-də keçiriləcək.
Bölmənin digər xəbərləri
