ANKARADA TÜRKİYƏ VƏ İRAN ARASINDA TƏHLÜKƏSİZLİK SAHƏSİNDƏ ƏMƏKDAŞLIĞA DAİR SƏNƏD İMZALANMIŞDIR
AZƏRTAC-ın xüsusi müxbiri xəbər verir ki, avqustun 14-də İstanbuldakı Çırağan sarayında Türkiyə və İran prezidentləri Abdullah Gül və Mahmud Əhmədinejadın geniş tərkibdə görüşündən sonra Türkiənin daxili işlər naziri Bəşir Atalay və İranın xarici işlər naziri Məniçehr Mottəki təhlükəsizlik sahəsində əməkdaşlığa dair saziş imzalamışlar.
Bəşir Atalay bildirmişdir ki, iki qonşu dövlət narkotik maddələrin qanunsuz dövriyyəsinə, mütəşəkkil cinayətkarlığa və terrorizmə qarşı mübarizə sahəsində əməkdaşlığa dair saziş imzalamışlar. Türkiyənin İranla sərhəd bölgələrində terrorla mübarizə aparıldığını bildirən nazir demişdir ki, Tehranla bu sahədə birgə fəaliyyət olduqca önəmlidir. İnsan alveri və qanunsuz miqrasiya da iki ölkəni və bütövlükdə bölgəni narahat edən prolemlərdir. Bu problemlərin həlli üçün birgə komissiya yaradılması nəzərdə tutulur.
Sazişin çoxşaxəli olduğunu da söyləyən nazir əlavə etmişdir ki, bu sənədin üzərində uzun müddətdir iş aparılırdı.
İran Prezidenti həmin gün axşam Türkiyənin Baş naziri Rəcəb Tayyib Ərdoğanla da görüşmüdür. Tərəflərin Tehranın nüvə proqramı, terrorla mübarizə məsələlərini ətraflı müzakirə etdikləri bildirilir.
Bölmənin digər xəbərləri
