“Ankaragücü” səfərdə “Antalyaspor”u məğlub edib
Bakı, 2 mart, AZƏRTAC
Futbol üzrə Türkiyə Superliqasının XXIV turunun ilk görüşündə “Ankaragücü” “Antalyaspor”un qonağı olub.
AZƏRTAC xəbər verir ki, oyun hər iki tərəfin qarşılıqlı hücumları ilə yada qalıb. Görüşün 19-cu dəqiqəsində “Antalyaspor”un hücumçusu Çico hesabı açıb. Lakin qonaqların cavab qolu çox da gecikməyib. Dever Orcill 21-ci dəqiqədə hesabı bərabərləşdirib. Dever Orcill 26-cı dəqiqədə meydan sahiblərini mərkəzdən başlamağa məcbur edib. Meydan sahibləri isə 30-cu dəqiqədə Nazim Sanqarenin vurduğu qolla hesabı bərabərləşdiriblər. Lakin Dever Orcill 41-ci dəqiqədə özünün və komandasının üçüncü qolunu rəsmiləşdirib. Birinci hissə bu hesabla bitib. Oyunda son nəticəni 90-cı dəqiqədə qonaqların hücumçusu Tayler Boyd müəyyənləşdirib. Beləliklə “Ankaragücü” səfərdə “Antalyaspor”u 4:2 hesabı ilə məğlub edib.
Bu qələbə sayəsində “Ankaragücü” xallarının sayını 30-a çatdıraraq turnir cədvəlində 11-ci pilləyə yüksəlib. “Antalyaspor” 32 xalla 7-ci pillədə qərarlaşıb.
Türkiyə Superliqasında XXIV turun digər oyunları martın 2-də, 3-də və 4-də keçiriləcək. Turun digər qarşılaşmaları isə aşağıdakılardır.
“Bursaspor”-“Sivasspor”,
“Kayserispor”-“Beşiktaş”,
“Fənərbağça”- “Rizespor”,
“Konyaspor”-“Göztəpə”,
“Yeni Malatyaspor”- “Başakşəhər”,
“Ərzurumspor”- “Qalatasaray”,
“Akhisar Bələdiyəspor”- “Alanyaspor”,
“Kasımpaşa”- “Trabzonspor”.
Bölmənin digər xəbərləri
