ARAZ ÇAYI ERMƏNİSTAN TƏRƏFDƏN ÇİRKLƏNMƏYƏ MƏRUZ QALMIŞDIR
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, monitorinq zamanı hidrokimyəvi müşahidələr aparılmış, suyun çirklənmə vəziyyəti öyrənilmişdir. Detergentlər, neft məhsulları, fenollar, üzvi oksidləşdiricilər, xlorüzvi pestisidlər, ağır metallar, suyun mineral tərkibinə aid analizlər aparılmışdır.
Kür çayında Gürcüstanla sərhədə yaxın məntəqələrdə, Şıxlı-2 məntəqəsində, Ağstafaçayda fenol və mis birləşmələrinin yol verilən qatılıq həddindən artıq olduğu aşkarlanmışdır.
Ermənistan tərəfdən çirklənməyə məruz qalan Araz çayında mis və fenolların miqdarının normadan dəfələrlə çox olduğu müşahidə olunmuşdur. Analizlərin nəticələri göstərir ki, Horadiz, Bəhramtəpə və I Şahsevən məntəqələrində suyun əsas çirkləndiriciləri normadan artıqdır.
Bölmənin digər xəbərləri
