ARSEN VENGER: JİLBERTU SATILMIR
AZƏRTAC xarici KİV-lərə istinadla xəbər verir ki, “Arsenal”ın baş məşqçisi Arsen Venger londonluların yarımmüdafiəçi Jilbertunu “Yuventus”a satacaqları barədə şayiələri təkzib etmişdir. Fransalı mütəxssis bildirmişdir ki, braziliyalı komandada əsas rol oynayır, buna görə də onunla vidalaşmaq niyyətində deyillər.
Venger demişdir: “Onun qüvvədə olan müqaviləsi var və bu müqavilə ilə bağlı təklifləri qəbul etmirik. Məsələ qapanmışdır, müqaviləsinin vaxtının bitməsini gözləyək. Onda hər şey mümkündür. Hərçənd münasibətlərimizin müddətini uzatmaq istəyirik. Axı, o, bizim üçün çox vacibdir”.
Bölmənin digər xəbərləri
