“AŞDOD İLLİT“ KLUBU LİDERLƏR SIRASINDADIR
Bakı, 8 oktyabr (AZƏRTAC). Makedoniyanın Oxrid şəhərində keçirilən şahmat üzrə 25-ci klublararası Avropa kuboku yarışlarında 4-cü turun oyunları olmuşdur.
Bu tur çərçivəsində Vüqar Həşimovun lideri olduğu İsrailin “Aşdod İllit” komandası isə Belçikanın “Roşad Eupen-Kelmis” klubunu böyük hesabla (5:1) məğlub edərək, 17 xalla liderlər sırasına daxil olmuşdur.
Şəhriyar Məmmədyarov, Qadir Hüseynov və Rauf Məmmədovun şərəfini qoruduqları Makedoniyanın “Alkaloid” komandası Sankt-Peterburqun “SpbÇhFed” klubunun şahmatçılarının müqavimətini qıraraq, rəqiblərinə 3,5:2,5 hesabı ilə qalib gəlmişlər. Hazırda bu komanda 16,5 xala malikdir.
Əlli dörd şahmat klubunun iştirak etdiyi turnirə oktyabrın 10-da yekun vurulacaqdır.
Bölmənin digər xəbərləri
