AŞPA-NIN MONİTORİNQ KOMİTƏSİNİN ÜZVLƏRİ GÜRCÜSTANA GEDƏCƏKLƏR
Milli Məclisin deputatları, Avropa Şurası Parlament Assambleyası Monitorinq komitəsinin üzvləri Nairə Şahtaxtinskaya və Asim Mollazadə komitənin iclasında iştirak etmək üçün oktyabrın 24-də Tbilisiyə yola düşəcəklər.
Milli Məclisin mətbuat xidmətindən AZƏRTAC-a verilən məlumata görə, tədbirdə Gürcüstanın Avropa Şurası qarşısında götürdüyü öhdəliklər, regionda vəziyyət və digər məsələlər müzakirə olunacaqdır. Səfər müddətində Monitorinq komitəsinin üzvləri Gürcüstan Prezidenti Mixail Saakaşvili, Baş nazir Zurab Jvaniya, parlamentin sədri Nino Burcanadze, habelə yerli və beynəlxalq qeyri-hökumət təşkilatlarının nümayəndələri ilə də görüşəcəklər.
Səfər oktyabrın 27-də başa çatacaqdır.
Bölmənin digər xəbərləri
