Astrofizika ixtisaslaşması üzrə gənc tədqiqatçıların apardıqları araşdırmalar müzakirə edilib
Bakı, 14 iyun, AZƏRTAC
AMEA Fizika İnstitutunun Dissertasiya şurasında astrofizika ixtisaslaşması üzrə 2019/2020-ci tədris ilində qəbul olunmuş rəsədxana magistrlərinin magistrlik dissertasiyalarının müdafiəsi keçirilib.
Bu barədə AZƏRTAC-a Şamaxı Astrofizika Rəsədxanasından məlumat verilib.
Müdafiədə rəsədxananın magistri Zümrüd Binnətova “CH4 λ6800Å Spektral udulma zolağında Neptun atmosferində fırlanma tempraturunun təyini”, Türkan Yusifzadə “Beta Lyra ulduzunun spektrində hidrogen xətlərinin tədqiqi”, Samirə Rəhimli isə “NGC 3516 Seyfert qalatikasının spektral və fotometrik tədqiqi” mövzuları üzrə təqdimatla çıxış ediblər.
Məruzələrin mövzuları ətrafında müzakirələr aparılıb, suallar cavablandırılıb.
Rəsədxana magistrantlarının dissertasiya işlərinin müdafiəsi uğurla keçib və Dissertasiya Şurasının üzvləri tərəfindən müvafiq ballarla qiymətləndirilib.
Bölmənin digər xəbərləri
