ATƏT-İN HAZIRKI SƏDRİNİN MƏRKƏZİ ASİYA SƏFƏRİ BAŞA ÇATMIŞDIR
ATƏT sədrinin Qırğızıstan Prezidenti Kurmanbek Bakiyevlə görüşündə korrupsiya ilə mübarizə, hüquq-mühafizə və məhkəmə sistemində islahatların aparılması, mütəşəkkil cinayətkarlığın qarşısının alınması, konstitusiya islahatları və digər məsələlər müzakirə edilmişdir.
Karel de Quxt Düşənbədə Tacikistan Prezidenti Emoməli Rəhmanovla görüşdükdən sonra keçirdiyi mətbuat konfransında bildirmişdir ki, görüşdə ikitətəfli münasibətlərin genişləndirilməsi, vətəndaş cəmiyyətinin inkişafı sahəsində əməkdaşlıq, ərazilərin minalardan təmizlənməsi, iqtisadi islahatlar sahəsində təxirəsalınmaz tədbirlərin görülməsi ilə əlaqədar fikir mübadiləsi aparılmışdır.
ATƏT sədri Aşqabadda Türkmənistan Prezidenti Saparmurad Niyazovla Avropaya qaz kəmərinin çəkilməsi, ölkənin nəqliyyat və energetika sahəsində mütəşəkkil cinayətkarlıqla mübarizə, təhlükəsizliyin möhkəmləndirilməsi, təhsil və insan hüquqları və bir sıra digər məsələlərlə bağlı söhbət aparmışdır.
Bölmənin digər xəbərləri
