AUDİOVİZUAL FİLMLƏRİN V BEYNƏLXALQ FESTİVALI BAŞA ÇATDI
Azərbaycan Mədəniyyət Nazirliyinin, Kinorejissorlar Gildiyasının, Gənclər, İdman və Turizm Nazirliyinin dəstəyi ilə təşkil edilmiş festivala Azərbaycan, İngiltərə, Avstraliya, Macarıstan, Polşa, İran, Ukrayna, Serbiya, Makedoniya, Çernoqoriya, Türkiyə, Qırğızıstan, Gürcüstan, Estoniya, İspaniya, İsveç, Rusiya, İsrail, Almaniya və Sloveniya rejissorlarının 80-dən çox işi təqdim olunmuşdu.
AZƏRTAC xəbər verir ki, “Qızıl pəri” Qran-pri mükafatına İspaniya rejissoru Raul Çerezo layiq görülmüşdür. “Ən yaxşı video-art” mükafatı Conatan Vinitskiyə (İngiltərə), “Ən yaxşı prodüser” mükafatı Vendi Dentə (Avstraliya), “Ən yaxşı kompüter dizaynı” mükafatı Elrəngə (Azərbaycan), “Ən yaxşı sənədli film” mükafatı Xagit Keysara (İsrail), “Ən yaxşı multfilm” mükafatı Marina Korobenkoya (Ukrayna), Avropa Kinorejissorlar Federasiyasının xüsusi prizi Taras Tomenkoya (Ukrayna) təqdim edildi.
Bölmənin digər xəbərləri
