AUDİOVİZUAL KİNOFESTİVALI DAVAM EDİR
AZƏRTAC xəbər verir ki, tədbirin üçüncü günü 8 film - informasiya baxışında Könül Hüseynovanın “Qələbənin 60 illiyi” (Azərbaycan), Mukas Fuqueranın “24 ex (ox)” (İspaniya), Cəlal Nəsirinin “Özümüzü yaxşı hiss edirik” (İran) və diskussiya baxışında Mikis Mazarakisin “Apxelium” (İsveç), David Bondarevskinin “Getdik” (Rusiya), Roman Barabaşın “Cırtdan” (Ukrayna), Rumiyyə Ağayevanın “Mələk” (Azərbaycan), Törə Ağabəyovanın “İçəridə və çöldən” (Azərbaycan) filmləri nümayiş etdirilmişdir.
Kinofestivalın təşkilatçıları və iştirakçılarının ümumi rəyinə görə, tədbirin keçirilməsinin zəruriliyi göz qabağındadır. Belə ki, gələcək kinematoqrafın təməli məhz belə tədbirlərdə qoyulur. Bu istedadlı gənclər təkcə öz işlərini nümayiş etdirmək və digərlərinin yaradıcılığı ilə tanış olmaq üçün gəlməmişlər. Onlar potensial ehtiyatlarını üzə çıxarırlar. Burada aparılan canlı diskussiyaların da əhəmiyyəti böyükdür. Əvvəlcədən gözlənildiyi kimi, iştirakçıların bu və ya digər film, onun forma və məzmunu haqqında rəyləri heç də həmişə üst-üstə düşmür.
Bölmənin digər xəbərləri
