Avropa İttifaqında sığınacaq üçün müraciətlərin sayı son 12 ildə ən aşağı həddə düşüb
Vyana, 11 iyun, AZƏRTAC
Aprel ayında Avropa İttifaqında sığınacaq üçün müraciətlərin sayı ilin əvvəli ilə müqayisədə 87 faiz azalıb və 2008-ci ildən bəri ən aşağı həddə düşüb.
AZƏRTAC xəbər verir ki, Sığınacaq Məsələləri üzrə Avropa Dəstək Bürosu bu azalmanı COVID-19 pandemiyasına qarşı görülən məhdudlaşdırıcı tədbirlər və sərhədlərin bağlanması ilə izah edib. Büronun təqdim etdiyi hesabatda Aİ ölkələri ilə yanaşı, Norveç və İsveçrəni də əhatə edir, Böyük Britaniyaya aid statistika bu hesabatda əks olunmayıb.
Hesabatda qeyd edilib ki, aprel ayı ərzində ümumilikdə 8730 sığınacaq müraciəti rəsmiləşdirilsə də, bu proses uzunmüddətli inkişafa dəlalət etmir və pandemiya ilə bağlı vəziyyət sabitləşdikdən sonra artım baş verə bilər.
Aprel ayındakı sığınacaq müraciətlərinin böyük əksəriyyəti Suriya və Əfqanıstan vətəndaşlarının payına düşür, müraciətlərin 28 faizi bu iki ölkədən olub.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
