Avropa kuboku: “Vüqar Həşimov” İsveçrə, “Odlar Yurdu” isə Avstriya komandaları ilə qarşılaşacaqlar
Bakı, 8 oktyabr, AZƏRTAC
Azərbaycanın kişilərdən ibarət “Vüqar Həşimov” və qadınlardan ibarət “Odlar Yurdu” komandası Avstriyanın Mayrhofen şəhərində keçirilən Avropa kubokunda növbəti turda iştirak edəcəklər.
AZƏRTAC xəbər verir ki, “Vüqar Həşimov” komandası 6-cı turda “Schachgesellschaft Riehen” (İsveçrə) ilə qarşılaşacaq. Qadınların yarışında isə “Odlar Yurdu” Avstriyanın “ASVOe Pamhagen” komandasını sınağa çəkəcək.
Qeyd edək ki, kişi şahmatçılarımız ötən turda “Moravská Slavia Brno”nu (Çexiya) 3,5:2,5 hesabla məğlub ediblər. Qadın təmsilçilərimiz isə İsrailin “Haifa-Nesher” komandasına 4:0 hesabı ilə qalib gəliblər.
“Odlar Yurdu” 5 turun nəticəsinə görə 6 xalla 4-7-ci, "Vüqar Həşimov" komandası isə 8 xalla 3-10-cu yerləri bölüşürlər.
Bölmənin digər xəbərləri
