“AVROPOL” QƏLP PULKƏSƏNLƏRİN FƏALİYYƏTİNƏ SON QOYDU
Dəstənin üzvləri Bolqarıstan və Avstriyada yaxalanmışlar. Həbs edilənlər arasında Bolqarıstan, Serbiya və Ukrayna vətəndaşları da var. Dəstənin başçısı, dörd il axtarışda olmuş ukraynalı Mitro Kara da tutulmuşdur. Cinayətkar şəbəkə Bolqarıstan, Avstriya və digər Avropa ölkələrində fəaliyyət göstərirdi.
Bolqarıstan xüsusi xidmət orqanlarının nümayəndələri bildirmişlər ki, mütəşəkkil cinayətkar dəstənin əsas məşğuliyyəti Avropa valyutasını, müxtəlif sənədləri, şəxsiyyət vəsiqələrini, Bolqarıstan nazirlikləri və təşkilatlarının rəsmi kağızlarını saxtakarlıqla hazırlamaqdan ibarət idi. Onlar “çirkli pulların” leqallaşdırılması ilə də məşğul olurdular. Həbs edilənlərin mənzillərində axtarış zamanı qəlp pul və sənədlərlə yanaşı, narkotiklər və saxta bank kartları da tapılmışdır.
Bölmənin digər xəbərləri
