Avrozonanın xarici ticarət balansında profisit yaranıb
Roma, 18 fevral, AZƏRTAC
Avrozonada 2024-cü ilin dekabrında xarici ticarət balansının profisiti 15,5 milyard avro təşkil edib.
AZƏRTAC xəbər verir ki, Avropa Statistika Ofisinin (Eurostat) məlumatına görə, dekabrda Avrozonada ixracın dəyəri əvvəlki ilin müvafiq ayı ilə müqayisədə 3,1 faiz artımla 226,5 milyard avro, idxalın dəyəri 3,8 faiz artaraq 211 milyard avro olub.
Hesabat ayında Avropa İttifaqında (Aİ) isə ixracın dəyəri əvvəlki ilin eyni dövrünə görə 3,7 faiz artaraq 209 milyard avro, idxalın dəyəri 3,9 faiz artaraq 192,7 milyard avro olub. Dekabrda Aİ-də 16,3 milyard avroluq müsbət saldo yaranıb.
2024-cü il ərzində Avrozonada ticarət profisiti 176,9 milyard avro, Aİ-də isə 150,1 milyard avro təşkil edib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
