Axtarışda olan şəxsdən psixotrop maddə və döyüş sursatı götürülüb
Bakı, 5 aprel, AZƏRTAC
Axtarışda olan şəxsdən psixotrop maddə və döyüş sursatı götürülüb.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-a bildiriblər ki, Lənkəran Şəhər Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində Azərbaycan Respublikası Cinayət Məcəlləsinin 126-cı (Qəsdən sağlamlığa ağır zərər vurma) maddəsinə əsasən 11.07.2020-ci il tarixdə barəsində axtarış elan edilən Lənkəran şəhər sakini M.Ocaqov saxlanılıb.
Saxlanıldıqdan sonra üzərinə keçirilən baxış zamanı ondan 4 bükümdə psixotrop maddə olan metamfetamin, bir ədəd elektron tərəzi, yaşadığı ünvandan isə avtomat silahına aid 12 ədəd patron aşkar edilərək götürülüb.
Faktla bağlı araşdırma aparılır.
Bölmənin digər xəbərləri
