AZƏRBAYCAN AŞQABADDA XƏZƏR DƏNİZİNDƏ SƏRHƏDLƏRİN SAXLANMASINA TƏRƏFDAR OLDUĞUNU BİLDİRƏCƏK
Xəzəryanı dövlətlərin başçılarının aprelin 23-24-də Aşqabadda keçiriləcək qarşıdakı zirvə toplantısında Azərbaycan Xəzər dənizində sərhədlərin saxlanmasına tərəfdar olduğunu bəyan edəcəkdir. Bunu Azərbaycan Respublikası Prezidenti İcra Aparatının rəhbəri Ramiz Mehdiyev İTAR-TASS agentliyinə məxsusi müsahibəsində bildirmişdir. O demişdir: “Bu, bizim mövqeyimizdir və o, dəyişmir”.
Ramiz Mehdiyev bildirmişdir ki, bu məsələdə Azərbaycanın, Rusiyanın və Qazaxıstanın mövqeləri üst-üstə düşür. “Bu, Xəzəryanı dövlətlərin başçılarının Aşqabadda keçiriləcək qarşıdakı zirvə toplantısında da təsdiq olunmalıdır”.
Ramiz Mehdiyev daha sonra demişdir: “Xəzər dənizinə münasibətdə İranın mövqeyi bir qədər fərqlidir. İranla mütəmadi danışıqlar aparılır. Bu məsələdə ən başlıcası Xəzər problemi barədə Rusiyanın, Azərbaycanın və Qazaxıstanın mövqeyinin eyni olmasıdır”.
Bölmənin digər xəbərləri
