AZƏRBAYCAN BOKSÇULARI BOLQARISTANDA BEYNƏLXALQ TURNİRDƏ İŞTİRAK EDƏCƏKLƏR
Azərbaycan boksçularının 2007-ci ildə ilk ciddi sınağı fevralda Bolqarıstanda keçiriləcək beynəlxalq turnir olacaqdır.
Azərbaycan Boks Federasiyasının prezidenti Ağacan Əbiyev AZƏRTAC-a bildirmişdir ki, bu turnirdə ölkəmizin idman şərəfini 5 dəri əlcək ustası qoruyacaqdır. Bu baxımdan ölkə çempionatında fərqlənmiş boksçulara üstünlük veriləcəkdir.
Bu il idmançılarımız daha bir neçə mötəbər turnirdə gücünü sınayacaqlar. Hər il ənənəvi olaraq Bakıda Beynəlxalq Həvəskar Boks Assosiasiyasının (AİBA) sabiq prezidenti Ənvər Çoudrinin şərəfinə keçirilən beynəlxalq turnir bu ildən “İpək Yolu” adlanacaqdır. Yarışa qatılmaq üçün artıq indidən federasiyaya bir neçə ölkə müraciət ünvalamışdır. Turnirdə qədim İpək Yolu üzərində yerləşən ölkələrlə yanaşı, digər dövlətlərin boksçularının iştirakı da nəzərdə tutulmuşdur.
Azərbaycan boksçuları üçün ən önəmli yarış isə sentyabrda Sankt - Peterburqda Pekin Olimpiadasına lisenziya qazanmaq imkanı verən dünya çempionatı olacaqdır.
Bölmənin digər xəbərləri
