Azərbaycan boksçuları Qazaxıstanda keçiriləcək beynəlxalq turnirdə iştirak edəcəklər
Astana, 17 oktyabr, AZƏRTAC
Qazaxıstanın Karaqanda şəhərində 21–25 oktyabr tarixlərində Olimpiya çempionu Serik Sapiyev adına boks üzrə beynəlxalq turnir keçiriləcək.
AZƏRTAC xəbər verir ki, Karaqanda vilayəti icra orqanının məlumatına görə, ənənəvi xarakter daşıyan bu yarış artıq 13-cü dəfə təşkil olunacaq.
Bu il turnirdə Qazaxıstan, Azərbaycan, Gürcüstan, Qırğızıstan, Özbəkistan, Tacikistan, Çexiya və Monqolustandan olan təxminən 400 boksçu rinqə çıxacaq.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
