AZƏRBAYCAN CƏNUBİ QAFQAZDA BÖYÜK NÜFUZA MALİKDİR
Xəbər verildiyi kimi, Macarıstan Milli Assambleyasının sədri Katalin Sili Azərbaycanda səfərdədir.
Xanım K.Sili səfərinin məqsədi ilə bağlı AZƏRTAC-a müsahibəsində demişdir ki, Cənubi Qafqazda böyük nüfuza malik olan Azərbaycan sürətlə inkişaf edir. O, həm də Avropanın enerji təhlükəsizliyi məsələlərində mühüm rol oynayır. Bu da bizim üçün böyük əhəmiyyət kəsb edir. Səfərimin məqsədi ölkələrimiz, eləcə də Azərbaycan ilə Avropa İttifaqı arasında əlaqələrin möhkəmləndirilməsinə dair məsləhətləşmələr aparmaqdır.
Bu səfərim həm də ölkələrimiz arasında son vaxtlar həyata keçirilən rəsmi səfərlər silsiləsinin davamıdır. Cari ilin fevralında Azərbaycan Prezidenti İlham Əliyev Macarıstana səfər etmişdir. Bu ilin yayında isə Macarıstanın Baş naziri Bakıda olmuşdur. Ölkələrimiz arasında çox gözəl münasibətlər mövcuddur. Düşünürəm ki, parlamentlərarası əlaqələrin genişləndirilməsi də vacibdir. Mənim burada keçirəcəyim görüşlərdə regional təhlükəsizlik, enerji siyasəti, eləcə də ölkələrimiz arasında siyasi, iqtisadi, mədəni, xüsusən də parlamentlərarası əlaqələrin inkişafına dair məsələlər müzakirə olunacaqdır.
######
Bölmənin digər xəbərləri
