Azərbaycan çempionatı ən intizamlı liqalardan biridir
Bakı, 28 fevral, AZƏRTAC
Beynəlxalq İdman Araşdırmalar Mərkəzi (CIES) son bir il ərzində vərəqələr, qayda pozuntuları və uzatma dəqiqələri ilə bağlı hesabatı açıqlayıb.
AZƏRTAC CIES-in rəsmi saytına istinadən xəbər verir ki, dünyanın 71 liqasının yer aldığı siyahıda Azərbaycan çempionatı beşinci pillədə qərarlaşıb.
Premyer Liqada keçirilən 179 matçda sarı vərəqələrin nisbəti 4.47-yə bərabər olub. Bu, dünyada oyunlar zamanı futbolçuların ən çox xəbərdarlıq aldığı 38-ci liqadır.
Qırmızı vərəqələrin sayı isə orta hesabla 0.16-dır. Bu isə o deməkdir ki, Premyer Liqa ən intizamlı çempionatlardandır. Cəmi 12 liqa Azərbaycan çempionatından daha intizamlıdır.
Ölkə çempionatının hər matçında 27,56 qayda pozuntusuna rast gəlinib. Bu isə ən çox qayda pozulan 10-cu liqadır.
Premyer Liqanın qarşılaşmalarına orta hesabla 8 dəqiqə 11 saniyə artırılıb. Ölkə çempionatı bu göstərici üzrə 50-cidir.
Bölmənin digər xəbərləri
