AZƏRBAYCAN CÜDOÇULARI AVROPA ÇEMPİONATINDA 2 GÜMÜŞ VƏ 2 BÜRÜNC MEDAL QAZANMIŞLAR
Bakı, 29 iyun (AZƏRTAC). Sloveniyanın Koper şəhərində yeniyetmə oğlan və qızlar arasında cüdo üzrə növbəti Avropa çempionatına yekun vurulmuşdur.
Üç gün davam edən qitə birinciliyində 39 ölkədən 379 idmançı (217 oğlan, 162 qız) medallar uğrunda mübarizəyə qoşulmuşdur. Yarışlara 9 cüdoçu ilə qatılan komandamız nəticədə 2 gümüş və 2 bürünc medal qazanmışdır.
Oğlanların yarışında Cəlil Cəlilov (66 kq) gümüş, Kamran Bağırov (50 kq) isə bürünc medala layiq görülmüşlər.
Qızların mübarizəsində isə Xanım Hüseynova (63 kq), Şəfəq Muradzadə (52 kq) müvafiq olaraq gümüş və bürünc medallara yiyələnmişlər. Digər qadın təmsilçimiz Aişə Qurbanlı (48 kq) isə yarışları 5-ci pillədə başa vurmuşdur.
Bu nəticə ilə cüdoçularımız ümumi komanda hesabında 9-cu olmuşlar.
Qeyd edək ki, yeniyetmə cüdoçularımız Avropa çempionatında məşqçilər Rəşad Məmmədov və Rəşad Həsənovun rəhbərliyi altında mübarizə aparmışlar.
Bölmənin digər xəbərləri
