AZƏRBAYCAN CÜDOÇUSU ELNUR MƏMMƏDLİNİN QƏLƏBƏSİ QƏTƏR MƏTBUATINDA GENİŞ İŞIQLANDIRILMIŞDIR
Pekində keçirilən XXIX Olimpiya oyunlarında dünya çempionu Cənubi koreyalı Ki Çun Vonqu 13 saniyəyə məğlub etmiş 20 yaşlı Azərbaycan cüdoçusu Elnur Məmmədlinin (73 kiloqram) parlaq qələbəsi bir çox ölkələrin KİV-ləri tərəfindən geniş işıqlandırılmışdır.
Azərbaycanın Qətərdəki səfirliyindən AZƏRTAC-a bildirmişlər ki, bu ölkədə ərəb və ingilis dillərində çıxan “Al-Raya”, “Gatar Tribune”, “Gulf Times” qəzetləri Elnurun böyük uğurundan bəhs edən məqalələr dərc etmişlər.
Xatırladaq ki, E.Məmmədli 5 görüşün hamısını çox qısa müddətə ipponla udmuşdur.
######
Bölmənin digər xəbərləri
