“AZƏRBAYCAN DİLİNİN İZAHLI LÜĞƏTİ” NƏŞR OLUNMUŞDUR
Quruluşu, tərtib prinsipləri, açım özümlüyü ilə indiyədək nəşr olunan izahlı lüğətlərdən fərqlənən bu lüğət baş sözlərin sayına görə əvvəlki lüğətlərin ən zənginidir. Bircildliyə Azərbaycan dilinin dördcildlik izahlı lüğətində olmayan 1500-ə yaxın söz əlavə edilmişdir.
Lüğətdə ali və orta məktəblərdə tədris olunan fənlərə aid dərsliklərin, eləcə də yazıçı və şairlərin bədii əsərlərinin dilində işlədilən bütün sözlərin izahı verilir. Əsərdə müasir Azərbaycan dilində işlədilməyən arxaik və köhnəlmiş sözlərə, habelə ədəbi dilə hələlik daxil olmamış yeni ifadələrə və alınmalara aid izahlarda sözün işlənmə yeri, lazım gəldikdə, misal, ədəbi dilə daxil olmayan məhəlli sözlərin mənsub olduqları dialekt və şivələr də göstərilir.
Nəfis şəkildə nəşr edilmiş lüğət geniş oxucu kütləsi üçün nəzərdə tutulmuşdur. Ali və orta məktəb müəllimləri, tələbə və şagirdləri ondan dərs vəsaiti kimi də istifadə edə bilərlər.
Bölmənin digər xəbərləri
