AZƏRBAYCAN DÖVLƏT UŞAQ FİLARMONİYASI SƏUDİYYƏ ƏRƏBİSTANINDAN GƏLMİŞ QONAQLARI QARŞILAMIŞDIR
AZƏRTAC xəbər verir ki, iyunun 20-də Səudiyyə Ərəbistanının Mədəniyyət günləri çərçivəsində bu ölkənin mədəniyyət xadimləri Azərbaycan Dövlət Uşaq Filarmoniyasında görüş keçirmişlər.
Qonaqlar əvvəlcə Bakının görməli yerlərini gəzmiş, İçərişəhərin memarlığı ilə tanış olmuşlar.
Səudiyyə Ərəbistanının mədəniyyət və ictimai xadimlərindən ibarət nümayəndə heyətini filarmoniyada balaca rəqqaslar qarşılamışlar. Sonra Filarmoniyanın direktoru, əməkdar incəsənət işçisi Fərəh Şəkinskaya bu müəssisənin tarixi və fəaliyyəti barədə məlumat vermişdir.
O vurğulamışdır ki, iyunun əvvəllərində uşaqlar “Moskva dostları toplayır” beynəlxalq uşaq yaradıcılığı festivalında iştirak etmişlər. Folklor-etnoqrafiya rəqs kollektivinin gənc rəqqasları muğam solistləri, xalq çalğı alətləri ansamblı Rusiya tamaşaçısına “Dastan” kompozisiyasını təqdim etmişdir.
Qonaqlara konsert proqramı nümayiş etdirilmişdir.
Bölmənin digər xəbərləri
