AZƏRBAYCAN GƏNCLƏRİNİN NÜMAYƏNDƏLƏRİ SƏFİRLİYİMİZDƏ OLMUŞLAR
Səfir nümayəndə heyətinin üzvlərini salamlamış, iki müstəqil ölkə arasında hərtərəfli əməkdaşlığın genişləndiyini qeyd etmişdir. O demişdir ki, bizi eyni adət-ənənələr və din birləşdirir.
Gənclər, idman və turzim nazirinin müavini İntiqam Babayev bildirmişdir ki, gənclərdən ibarət nümayəndə heyətimiz birinci dəfə 2001-ci ildə Özbəkistana gəlmişdi. Bir il sonra biz Özbəkistan nümayəndə heyətini qəbul etdik. Bu yay Özbəkistandan 10 uşaq Azərbaycana istirahətə dəvət edildi. Gördüyünüz kimi, əlaqələrimiz genişlənir.
Özbəkistan “Kamolot” Gənclər Hərəkatı Mərkəzi Şurasının sədri Batır Ubaydullayev qeyd etmişdir ki, bizi birləşdirən ümumi cəhətlər çoxdur. Biz Nizamini, Füzulini, Nəsimini azərbaycanlılardan heç də az sevmirik. Elə bir özbək toyu olmaz ki, orada Azərbaycan musiqisi səslənməsin.
Sonra A.Əzimbəyov nümayəndə heyətinin üzvlərini səfirliyin yeni binası ilə tanış etmişdir.
Bölmənin digər xəbərləri
