AZƏRBAYCAN GÜLƏŞÇİLƏRİ İRANDA 6 MEDAL QAZANMIŞLAR
Bakı, 29 iyun (AZƏRTAC). İranın Astara şəhərində yeniyetmələr arasında sərbəst və yunan-Roma güləşi üzrə ənənəvi beynəlxalq turnirə yekun vurulmuşdur.
Turnirdə sərbəst güləş növündə 11 idmançı ilə təmsil olunan Azərbaycan yığma komandası yarışın 2-ci günü daha 3 medal qazanmışdır.
Azərbaycan idmançıları arasında Orxan Şərifov (76 kq) yalnız finalda uduzmaqla 2-ci yeri tutmuşdur. Ruslan Şükürov (63 kq) və Pərviz Axundov (69 kq) isə bürünc medal qazanmışlar.
Xatırladaq ki, yarışın birinci günü Fərrux Ələkbərov (50 kq) gümüş, həmin çəkidə Qalib Əliyev və Bəxtiyar İsrafilli (58 kq) bürünc medala sahib olmuşdur.
Bölmənin digər xəbərləri
