AZƏRBAYCAN GÜRCÜSTANDA YARANMIŞ ENERJİ PROBLEMİNİN ARADAN QALDIRILMASINA KÖMƏK EDİR
AZƏRTAC xəbər verir ki, yanvarın 23-də sənaye və energetika naziri Natiq Əliyev Gürcüstanın energetika naziri N.Gilaurini, Beynəlxalq Neft Korporasiyasının prezidenti N.Vaşakidze və Beynəlxalq Qaz Korporasiyasının prezidenti D.İnqorokva ilə görüşmüşdür. Gürcüstanın Rusiya ilə sərhədində qaz kəmərinin partlaması və bunun nəticəsində qonşu ölkədə yaranmış qaz və elektrik enerjisi qıtlığının aradan qaldırılması məsələləri müzakirə edilmişdir. Müzakirə nəticəsində dekabrın 23-də saat 15-dən başlayaraq, Azərbaycanın daxili imkanları hesabına Gürcüstana daha 2 milyon kubmetr həcmində qazın nəqli qərara alınmışdır. Yaranmış ekstremal vəziyyətdə respublikamızın Gürcüstana köməyinin artırılması məsələlərinin müzakirəsi davam etdiriləcəkdir.
Görüşdə “Azəriqaz” Qapalı Səhmdar Cəmiyyətinin sədri Ə.Məlikov, Gürcüstanın ölkəmizdəki səfiri Z.Qumberidze iştirak etmişlər.
Bölmənin digər xəbərləri
