Azərbaycan həndbol millisi Özbəkistanda ikinci qələbəsini qazanıb
Bakı, 17 may, AZƏRTAC
Qadın həndbolçulardan ibarət Azərbaycan millisi Özbəkistanın paytaxtı Daşkənddə keçirilən Mərkəzi Asiya Açıq Çempionatında ikinci oyununu keçirib.
AZƏRTAC xəbər verir ki, yığma yerli ROPSTTM klubu ilə qarşılaşıb. Görüş millimizin 39:31 hesablı qələbəsi ilə yekunlaşıb.
Azərbaycan seçməsi ötən gün keçirdiyi ilk matçda Özbəkistanın OKMK klubuna qalib gəlib - 30:28.
A qrupunda mübarizə aparan yığma növbəti qarşılaşmada Qazaxıstanın “Almata Region” kollektivi ilə üz-üzə gələcək.
Qeyd edək ki, 9 komandanın mübarizə apardığı turnir mayın 21-də başa çatacaq.
Bölmənin digər xəbərləri
