AZƏRBAYCAN İDMANÇILARI AVROPA ÇEMPİONATINDA MÜBARİZƏYƏ UĞURLA BAŞLAMIŞLAR
AZƏRTAC xəbər verir ki, Polşada gənclər, kadetlər, kiçik kadetlər və ümidlər arasında 100 xanalı dama üzrə 10-cu Avropa çempionatına start verilmişdir.
Çempionatda Azərbaycan 6 idmançı ilə təmsil olunur. Bunlar Aslan Aslanlı (gənclər), Ənvər Novruzov (kadetlər), Ülfət Hüseynbəyli (kiçik kadetlər), Famil Kamilli və Vüqar Babayevdir (ümidlər).
Azərbaycan təmsilçilərindən ikisi 1-ci turu uğurla başa vurmuşlar.
Ənvər Novruzov latviyalı rəqibini, Ürfət Hüseynov isə estoniyalı idmançını məğlub etmişlər.
Aslan Aslanlının isə litvalı damaçı ilə oyunu heç-heçə başa çatmışdır. Famil Kərimli və Vüqar Babayev isə hələ mübarizəyə qatılmamışlar.
Avqustun 7-dək davam edəcək çempionat 9 turdan ibarət olacaqdır. Yarışın sonunda blits-turnir keçiriləcəkdir.
Bölmənin digər xəbərləri
