AZƏRBAYCAN İES-DƏ PAYIZ-QIŞ MÖVSÜMÜNƏ HAZIRLIQ İŞLƏRİ DAVAM EDİR
“Azərenerji” ASC-nin mətbuat xidmətindən AZƏRTAC-a bildirmişlər ki, ötən ayda Azərbaycan İstilik Elektrik Stansiyasında (İES) 660 milyon kilovat-saata yaxın elektrik enerjisi istehsal edilmişdir.
Cari ilin 7 ayında isə 5,2 milyard kilovat-saatdan artıq elektrik enerjisi istehsal olunmuşdur ki, bu da proqnozlaşdırıldığından 1,3 milyon kilovat-saat çoxdur.
Stansiyada payız-qış mövsümünə hazırlıqla əlaqədar tədbirlər planı həyata keçirilir. İES-in enerji bloklarının orta təmiri başa çatdırılmışdır. 8 nömrəli enerji blokunda əsaslı təmir, 4 nömrəli blokda yenidənqurma işlərinə başlanılmışdır. Hazırda tutumu 20 min kubmetr olan 6 ədəd ehtiyat mazut çəninin quraşdırılması işləri davam etdirilir.
Bölmənin digər xəbərləri
