Azərbaycan İlahiyyat İnstitutu “Bədii əsər oxuma (xarici ədəbiyyat)” mövzusunda yeni müsabiqəyə start verir
Bakı, 2 fevral, AZƏRTAC
Azərbaycan İlahiyyat İnstitutu (Aİİ) tələbələrin dünyagörüşünün artırılması və maarifləndirilməsi, mütaliə vərdişlərinin və nitq qabiliyyətlərinin formalaşdırılması məqsədilə “Bədii əsər oxuma (xarici ədəbiyyat)” mövzusunda yeni müsabiqəyə start verir.
İnstitutdan AZƏRTAC-a bildirilib ki, müsabiqədə Nobel mükafatı laureatı Ernest Heminqueyin “Əcəl zəngi” romanı, “Qoca və dəniz” povesti və hekayələrinin daxil edildiyi “Seçilmiş əsərləri”nə dair suallar yer alacaq. Sonda qaliblər mükafatlandırılacaq.
Qeyd edək ki, müsabiqəyə qatılmaq istəyən tələbələr fevralın 15-dək ad, soyad, ata adı, tədris ili və qrup nömrələrini [email protected] və [email protected] elektron poçt ünvanlarına, yaxud +994552002103 və +994555299380 WhatsApp nömrələrinə göndərməklə iştiraklarını təsdiq etməlidirlər.
Bölmənin digər xəbərləri
