Azərbaycan Kamerunla yerli tikinti materiallarının istifadəsi sahəsində əməkdaşlıq qura bilər
Bakı, 18 may, AZƏRTAC
WUF13 bizim və ölkəmiz üçün çox vacibdir. Çünki biz hələ də inkişaf etməkdə olan ölkəyik və şəhərlərin qurulmasına ehtiyac duyuruq. Burada sizin ölkənizi ziyarət etdikdə gördük ki, hər şey çox gözəl və yerli materiallardan istifadə olunaraq keyfiyyətlə inşa edilib.
Bu sözləri AZƏRTAC-a açıqlamasında Bakıda Ümumdünya Şəhərsalma Forumunun 13-cü Sessiyasında (WUF13) iştirak edən Kamerunun nümayəndəsi Laura Tatyana deyib.
"Bizim ölkədə hələ də mənzil problemi mövcuddur. Buna görə də sosial mənzillərin tikintisi Kamerunun inkişafı üçün mühüm əhəmiyyət daşıya bilər. Azərbaycan Kamerunda yerli tikinti materiallarının istifadəsi sahəsində əməkdaşlıq qura bilər. Kamerunda mövcud olan yerli materiallardan daha səmərəli istifadə edərək tikinti aparmaq mümkündür. Məsələn, bizdə ağac ehtiyatı çoxdur və bu, evlərin tikintisində böyük rol oynaya bilər", - deyə Laura Tatyana qeyd edib.
O, Bakıda yerli materiallardan, xüsusilə ağacdan inşa olunmuş binalar gördüyünü bildirib: “Bu təcrübə Kamerun üçün də çox faydalı və vacib ola bilər”.
Bölmənin digər xəbərləri
